فكرى زكى طالب جامعى كان خارج رايح الجامعة و نسى يفطر طاقة صفر قال ياكل حاجه تديله طاقة عشان يركز فى المحاضرات لحد

اما يوصل البيت مامته " فكرت " قالتله الصبح انها هتعمل وليمه انهارده اكمن والده " زكى " متوقع علاوه على قبض مرتبه انهارده

المهم فكرى اكل الشوكلاته فى السكه و بلا مبالاة رمى ورقة الشوكلاته فى الطريق بحجه ان مفيش باسكت يرمى فيه

المهم فكرى وقف على المحطه و ركب الميكروباص فى طريقه للجامعه و هو فى الطريق كان عامل النظافه بينظف الشارع و تضايق من كثرة الورق و الحاجات اللى مرميه فى الشارع و هو مضايق جدا بعد ما خلص عامل النظافه الشارع مشى مهموم و ركب عربية شركه النظافة عشان يتنقل شارع تانى ينظف فيه المهم نزل العامل و هو مهموم و مضايق و بيسئل نفسه سؤال ايه الفرق بينه و بين اللى رمى الزبالة فى الشارع مش هما الاتنين بشر ؟

فى وسط ده و عامل النضافه سرحان و هو فى فى الشارع خبطته عربيه كان سايقها الدكتور اللى فى الجامعة اللى بيدرس فيها فكرى و طبعا الدكتور ما رحش المحاضره لان زمايل العامل الغلبان اتلمو حواليه و استنو الاسعاف تيجى و شركة النضافة بحركة غير مسؤوله حاولت تخلع باتش الشركة من على لبس العامل عشان تهرب من المسؤولية و فى وسط ده العمال مقدروش ينطقو عشان لقمه العيش و فضل الطريق واقف لحد اما تيجى الاسعاف

و طبعا بسبب عطلة الطريق تعطل مدير الشركة اللى شغال فيها زكى والد فكرى لانه كان ماشى على نفس الطريق

و للأسف بسبب عطلة المدير وصل الشغل متعصب جدا و ما اهتمش بصرف العلاوات او حتى المرتبات بتاعة الموظفين

كلهم كانو منتظرين يوم القبض لكن مفيش قبض للأسف لكل الموظفين

كل موظف اخد مشاعر سلبية اثر على اللى حوليه فى الشارع فى اليبت وسط زمايله اتخلقت حالة من دايرة الحزن و منهم زكى اللى كلم فكرت و قالها متنزلش تجيب حاجه الوليمه و فكرت زعلت و طلعت زعلها ده على جارتها

روح فكرى البيت و لقى حاله عامه من الحزن و طبعا يومه ضاع على الفاضى لانه ما اخدش المحاضره و الامتحان قرب و المنهج قد كده و ماخدش المصروف لان والده مقبضش

كل ده بسبب ورقة شوكلاته فكرى مستحيل هيدرك ده لكن دية حقيقة الدنيا حلقة مقفولة

تخيلو معايا كام مليون ورقة شوكلاته فى الشارع

تفتكرو لو السياح شافو مصر بالشكل ده هيرجعو تانى

تفتكرو احنا نموزج عدل نسوق بيه للأسلام مش ده مطلوب منا برضه ولا نسينا

تفكتر ان سكوتك على الظلم مش هتفلت منه انت و اولادك

شوف الرابط ده

http://ar.wikipedia.org/wiki/%D9%86%D8%B8%D8%B1%D9%8A%D8%A9_%D8%A7%D9%84%D8%B4%D9%88%D8%A7%D8%B4

تفتكر احساسك ايه لما ابنك يلعن اللى كان السبب فى انه مش لاقى شغل ولا لاقى شقة ولا لاقى يتجوز

و فى الحقيقة انت السبب بس متعرفش ده اديك عرفت احساسك ايه  !!

الانتخابات جايه متقولش مليش دعوة ملكش دعوه بدقن ولا بمناخير المهم خطته ايه و تاريخه ايه

المجلس بقاله 20 سنة مأتغيرش و بيلبس الحق بالباطل اوعى تقول مليش دعوه اهالينا قالو كده و ده اصبح حالنا

الساكت عن الحق شيطان اخرس احيانا عدم الفعل جريمة اكبر من الفعل نفسه و احيانا اتفه الامور بتسبب اكبر الكواث