اصبحت الاجهزة المحمولة الان اكثر الادوات الالكترونية انتشارا و تعددا فى مصر و للأسف السباق فى اقتناء تلك الاجهزة يعد صفة

اساسية الان من صفة المواطن المصرى مهما كانت حالته المادية او عمره او طبيعة عمله المهم ان يقتنى الجهاز الاحدث و للأسف امتد هذا للوسط العلمى التجريبى و وصل للمخترعين حتى

لذلك احببت ان اطرح وجهة نظر تكنولوجية اخرى من خلال تحويل الاجهزة القديمة التى نعتبرها انقرضت و من المضحك ان نحملها الى اجهزة تحل اعقد صعوباتنا العلمية

فى هذا المقال سأتناول جزء محدد و هو العمل العلمى خارج المعمل

عندما يخرج الباحثون فى مهمة علمية فغالبا يحتاج الفريق اى سيارة اضافية و تصاريح لا حصر لها لحمل اجهزتهم العلمية مع احتمال تلف احدها خارج المعمل لمكان التجربة او الدراسة

ما سأقوم به الان هو شرح كيفية تحويل الاجهزة الكفية القديمة المنقرضة الى معمل كامل يغنينا عن حمل معداتنا خارج المعمل و بالطبع النتيجة النهائية انك لن تحمل سوى حقيبة بحجم جراب النظارة او اكبر قليلا تحتوى على امكانيات المعمل نفسه الذى كنت تحمله فى سيارة نقل كاملة

المهم نسمى الله و نبداء

ستحتاج فى البداية الى زيارة لاسواق المحمول المستعملة ( شارع عبد العزيز يعنى ) ستجد فى البداية اغلب البائعين يهلون طلبك فى لغة السوق المساعدات الرقمية و الكمبيوتر الكفى يحملان اسما واحد عالق فى عقول البائعين

( i-mate )

لكن مش ده المنتج اللى هتشتريه لان البائع غالبا هيعرض عليك اكتر من 10 موديلات و هو معتقد انهم الاسم و الشركة نفسها المهم نرجع لموضوعنا هتحتاج تشترى جهاز كفى يعمل بنظام ويندوز 2003 او ويندوز 5.0 او ويندوز 2002 بروفيشنال ابعد تماما عن ويندوز 6

و لاحظ معى ان ميكروسوفت اوقفت اتاحة بورت الجهاز مفتوح فى الانظمة الحديثة كان فى الماضى الامر سهل ان توصل اى جهاز تبتكره على الكمبيوتر العادى فى ويندوز 2003 او اكس بى و كانت مايكروسوفت توفر قسم خاص ببرامج تدريبية لكل مطور مهتم عرف ب windows hardware developer central

الان اغلب الخدمات غير متاحة لكن يوجد المراجع متوفرة من خلال بعض المهتمين بالامر يضعونها فى المنتديات التقنية و خلافه

المهم ده مش موضوعنا ده للتوضيح فقط للمهتمين انهم يتعمقو فى الموضوع

المهم هتشترى كمبيوتر كفى بويندوز من اللى قولت عليهم فى حدود من 200 جنيه الى 700 جنيه

الخطوة الثانية

هتحتاج لسينسور لاب هتحتاج تشتريه من راديو شاك فى حدود 250 جنيه

ملاحظة المحترفين اللى يقدرو يشتغلو على البى سى بى يقدرو يستغنو عنه تماما

فايدة ده انك هتحتاج تصمم بعض دوائر السينسورز اللى هتربطها بالكمبيوتر الكفى

الخطوة الثالثة

هتحتاج للبرامج اللى تتحط على الكمبيوتر الكفى عشان تقدر تشغل السينسور دية

محدش يزهق هوريكم عينة التطبيقات اللى ممكن تتعمل فى شرح تجربتى الشخصية لحظات

عشان تلاقى سوفت وير هتدور فى الجوجل او محركات البحث بالشكل ده

 WM (رقم الويندوز موبايل ) , scientific , اسم الجهاز

مثلا لو عاوز اضيف للكمبيوتر الكفى برنامج لهجاز اوسليسكوب

 و هفترض ان ده شغال على ويندوز 2003 هدور بالشكل ده

WM 2003 , scientific , oscillscope

(طبعا فى الوسط هلاقى تعليق الاوسليسكوب هيكون محدود لكن فى الحقيقة مخالفة تماما لان اغلب الشركات العملاقة دلوقت اللى بتصنع الاوسليسكوبات بتطرح خيار المعمل المحمول و سيسنور الخاص به من ضمن المنتجات و بيكون فى كل الترددات اللى تقدر تتخيلها )

ده جهاز واحد انت تقدر تحط عشرات البرامج بعشرات الاجهزة و كل جهاز تصممله السينسور بتاعه تختبره الاول على السينسور لاب و بعد كده تصممله كارت صغير قد طابع البريد يقوم بالوظيفة كلها

طريقة السيتاب سهلة جدا و لو حد ناوى يعمل الموضوع ده يقولى

رابعا تجربتى الشخصية

انا اشتغلت على جهاز قديم جدا و شكله يضحك بالنسبة لناس كتير لكنه ادى الغرض

Qtek 1010 Windows mobile 2002 professional

حملته بالادوات التالية اللى هحطها بالصور بتاعتها

pocket oscillator

طبعا جى فى كل الوظائف بيولد الموجات انالوج و ديجيتالى زى ما حضراتكم عاوزين

sonar CE

واضح من اسمه وده كأنك بتمتلك جهاز سونار كامل بكل مواصفاته

vito tech oscilloscpoe

و ده جهاز اوسيلسكوب 2 شانيل هسيبكم تزورو صفحة البرنامج عشان تعرفو يقدر يستحمل لحد كام ميجا

فوق ده كله وسيلة اتصال متعددة بالسينسور من مدخل الصوت لليو اس بى للأنفرا عشان الجهاز الكفى يكون فى امان تام

p3kit

و ده واضح من الصورة بيستخدم لقياس شدة الاشارة و فحص شبكة المحمول ينفع للمهتمين بأنظمة الاتصالات

pocket DIGI

و ده بيستخدم لترميز الرسائل بشفرة مورس و ارسالها عن طريق اى دايرة راديو تتوصل على مخرج الصوت و طبعا اللى بيخرجو فى مهمات بحثية عارفين اهمية ده ايه

Orionic

و ده مهم لكل هواة الرصد الفلكى

لانه بيعرضلك صفحة كاملة للسماء مع معلومات عن كل نجم و موقعة اللى هتوجه ليه التلسكوب الخاص بك

Star CE

وده بأختصار كل اللى عليك انك توصل كى بى اس كيت ( تقدر تشتريها من راديو شاك او اى شركة متخصصة فى المجال ده )

تقدر تحدد بيه موقعك و موقع النجوم اللى هتلاقيها فى الموقع ده بالاضافة الى خدمات اخرى زى صور القمر الصناعى عن المنطقة الساعة الذرية بالظبط فى المكان اللى انت واقف عليه على الارض التقارير المناخية و غيره من اللى يهم متخصصين الرصد الفلكى

Math test

و ده من ضمن عشرات البرامج اللى بتمكنك من اجراء المعادلات الاحصائية و الفيزئاية المعقدة على الكمبيوتر الكفى

طبعا فى برامج منشرتش صورها لعدم اهمية الصور او اهمية البرنامج

زى مجموعة الاوفيس و الاكروبات ريدر و الدي جى فى سى ريدر و الايزول و كام برنامج للرسم الثرى دى

و طبعا اللى عرضة ده بناء طبيعة استخداماتى يوجد اضافات اخرى لا حصى لكل العلوم فقط ابحث عن ما تريد و ستجده

و دية صورة السينسور لاب و محاولة تطبيق احد الادوات عليه قبل تنفيذها

و رجاء خاص بعد المقال ده يا ريت سكان المملكة العلمية و الابداعية يغيرو طريقة تفكيرهم فى استخدام الاجهزة المحمولة

اى معلومات ممكن اساعدكم بيها تحت امركم بالتوفيق